Օտարերկրացիներին արգելվել է ֆինանսավորել ԱՄՆ–ի ընտրությունները

ԱՄՆ–ի գերագույն դատարանը հաստատել է Միացյալ նահանգներում անցկացվող նախընտրական քարոզարշավների ֆինանսավորումն օտարերկրացիների կողմից արգելելու մասին որոշումը։ Այս մասին հաղորդում է «The New York Times»–ը։

Որոշումը հաստատվել է հունվարի 9-ին, որը վերաբերում է համապետական, տարածքային և տեղական ընտրություններին։  

Միացյալ նահանգների ստորին դատարան ներկայացված երկու հայցադիմումների վերաբերյալ կայացրած որոշումը, վերաբերում է երկու օտարերկրացիների, որոնցից մեկը Կանադայի, իսկ մյուսը միաժամանակ Կանադայի և Իսրայելի քաղաքացիներ են, որոնք աշխատանքային վիզայով մուտք են գործել Միացյալ Նահանգների տարածք։ Ինչպես հաղորդվում է հայցվորներից մեկը՝ աջակցում է ԱՄՆ–ի ներկայիս նախագահ՝ դեմոկրատ Բարաք Օբամային, իսկ մյուսը՝ հանրապետականներին։

Օտարերկրացիների կողմից ամերիկյան ընտրությունների ուղղակի եւ անուղղակի ֆինանսավորումը արգելվում է՝ համաձայն Միացյալ նահանգների օրենքների, որը փորձել են դատարանում վիճարկել հայցվորները։ Ինչպես նշվում է հրապարակման մեջ՝ հայցվորների հույսը եղել է այն, որ 2010 թ–ի հունվարին ԱՄՆ–ի գերագույն դատարանը պարզեցրել էր  օրենքը կորպորացիաների և արհմիությունների կողմից ընտրարշավների ֆինանսավորման մասով։