Տրանսգենդեր կինը ճանաչվել է «Տարվա մոդել» (լուսանկարներ)

Լոնդոնում կայացել է Fashion Awards 2024 մրցանակաբաշխությունը, որի գլխավոր իրադարձությունը «Տարվա մոդել» մրցանակի հանձնումն էր 21-ամյա Ալեքս Կոնսանիին։ Նա առաջին տրանսգենդեր կինն է մրցանակաբաշխության պատմության մեջ, որ արժանացել է այս կոչմանը։

Ինչպես նշում է The New York Times-ը, Կոնսանին մրցանակը ստացել է տարվա ընթացքում նորաձևության ոլորտում իր ակնառու նվաճումների համար։

Իր խոսքում Ալեքսը շնորհակալություն է հայտնել ծնողներին աջակցության համար և կոչ է արել նորաձևության հանրությանը ստեղծել ներառական միջավայր։

«Այժմ, առավել քան երբևէ, կարևոր է խոսել այն մասին, թե ինչպես իսկապես աջակցել և ոգեշնչել միմյանց այս ոլորտում: Հատկապես նրանց, ում ստիպել են իրենց անարժեք զգալ: Փոփոխությունը ոչ միայն հնարավոր է, այլև անհրաժեշտ է», - ասել է Կոնսանին:

Մոդելն իր կարիերան սկսել է 12 տարեկանում՝ դառնալով աշխարհի ամենաերիտասարդ տրանսգենդեր մոդելը։