Իսրայելը ցեղասպանություն է իրականացնում Գազայում պաղեստինցիների նկատմամբ․ Amnesty International

Իսրայելը ցեղասպանություն է իրականացրել և շարունակում է իրականացնել պաղեստինցիների դեմ ՝օկուպացված Գազայի հատվածում, ասվում է Amnesty International կազմակերպության՝ այսօր հրապարակված նոր զեկույցում:

«Amnesty International-ի հետաքննությունը բավարար ապացույցներ է գտել՝ եզրակացնելու, որ Իսրայելը ցեղասպանություն է իրականացրել և շարունակում է իրականացնել պաղեստինցիների դեմ օկուպացված Գազայի հատվածում՝ սանձազերծելով դժոխք և ավերածություններ, ու դա անում է լկտիաբար, շարունակաբար և լիակատար անպատժելիությամբ», - ասվում է կազմակերպության զեկույցի մեջ։

«Մեր զեկույցի եզրակացությունները պետք է զգոնություն ապահովեն միջազգային հանրության համար։ Սա ցեղասպանություն է։ Եվ դա պետք է անհապաղ դադարեցվի»,- ասվում է զեկույցում։