Իսրայելը Գազայի հատվածում հրադադարի նոր նախագիծ է հանձնել ՀԱՄԱՍ-ին․ Axios
Համաշխարհային Մամուլ
Իսրայելը նոր առաջարկ է ներկայացրել պաղեստինյան ՀԱՄԱՍ շարժմանը Գազայի հատվածում հրադադարի համաձայնագրի եւ պատանդների ազատ արձակման վերաբերյալ։ Այս մասին հայտնում է Axios պորտալը՝ հղում անելով իսրայելցի պաշտոնյաներին, հայտնում է Euromedia24-ը։
Նրանք ասել են, որ նոր առաջարկը «շատ չի տարբերվում օգոստոսին քննարկված առաջարկից», սակայն մանրամասներ չեն հայտնել։ Նոր նախագիծը ՀԱՄԱՍ-ի ներկայացուցիչներին փոխանցվել է Եգիպտոսի միջոցով, որն այժմ բանակցությունների հիմնական ուղին է։
Միևնույն ժամանակ, աղբյուրները նշում են, որ ՀԱՄԱՍ-ը մեծ պատրաստակամություն է դրսևորել ճկունություն ցուցաբերելու և նույնիսկ մասնակի գործարքի իրականացումը սկսելու համար։
Ավելի վաղ Reuters-ը հայտնել էր, որ Մերձավոր Արևելքում ԱՄՆ նորընտիր նախագահ Դոնալդ Թրամփի ապագա հատուկ բանագնաց Սթիվեն Վիտկովը հանդիպել է Կատարի և Իսրայելի վարչապետների հետ՝ փորձելով համաձայնության գալ Գազայի հատվածում հրադադարի և պատանդների ազատ արձակման շուրջ։ Ամերիկայի հաջորդ առաջնորդի երդմնակալությունը տեղի կունենա 2025 թվականի հունվարի 20-ին։
Ամենադիտված 
ՀՀ ՊՆ–ն հայտարարություն է տարածել
