ԱՄՆ-ը մտադիր է ճանաչել ահաբեկիչների հետ սիրիական ընդդիմության ունեցած կապը

Վաշինգտոնը դիտարկում է Սիրիայում ընդդիմության շարքերում պայքարող «Ան Նուսրայի ճակատ» (Jabhat an Nusra) խմբավորումը ահաբեկչական կազմակերպությունների ցուցակում ներառելու հնարավորությունը. հայտնում է Russia Today-ը: Սակայն, չնայած Ալ Քաիդայի հետ այդ խմբավորման գրոհայինների ունեցած կապին, ամերիկացիները չեն պատրաստվում որակել այդ խմբավորումը որպես ահաբեկչական՝ շարունակելով հետևել իրադարձությունների հետագա զարգացմանը և սպասելով ավելի հարմար առիթի:

McClatchy պարբերականի թղթակիցները հայտնում են, որ ԱՄՆ-ի Պետքարտուղարությունը մտադիր է մոտ ժամանակներս հայտարարել «Ան Նուսրայի ճակատ» խմբավորումն ահաբեկչական միջազգային կազմակերպությունների ցուցակի մեջ ներգրավելու մասին իր որոշման մասին: Դա մեխանիկորեն կնշանակեր արգելք դնել ԱՄՆ-ից և Եվրոպայից նրանց գործունեության ֆինանսավորման վրա:

Սակայն որոշումն այս պահին հետաձգվել է հետագա ուսումնասիրման համար: Սպասվում է, որ այդ հայտարարությունը կարող է արվել դեկտեմբերի 12-ին Մարոկկոյում, ուր կկայանա ԱՄՆ-ի, Եվրոպայի և արաբական պետությունների ներկայացուցիչների հանդիպումը սիրիական ընդդիմության ղեկավարների հետ:

Բացառված չէ, սակայն, որ Ալ Քաիդայի ճյուղ հանդիսացող այդ խմբավորումն ահաբեկչական կհայտարարվի ավելի ուշ, օրինակ՝ Բաշար Ասադի ռեժիմի տապալումից հետո. կարծում է պարբերականը:

Իսկ ընդդիմադիրները կարծում են, որ խմբավորման ահաբեկչական ճանաչելը սպառնալիքի տակ է դրվում Սիրիայի անկախությունը և խոսում այն մասին, որ պայքարի միջոցները, որոնք կիրառում են ամերիկացիները, պարզապես անարդար են:

New York Times-ը մեջբերում է ընդդիմության ներկայացուցիչ Մուսաբ Աբու Քաթաբի խոսքերը, ըստ որի՝ ԱՄՆ-ը ոչինչ չի անում այն ժամանակ, երբ գրոհայիններն արյուն են թափում Սիրիայում Ասադի ռեժիմը տապալելու համար, իսկ հնարավոր իշխանափոխությունից հետո ԱՄՆ-ը կսկսի միջամտել Սիրիայի ներքին քաղաքականությանը, հայտարարելով, որ «Ան Նուսրայի ճակատ»-ը ահաբեկչական կազմակերպություն է:

Պարբերականը կարծում է, որ ԱՄՆ-ի վարչակազմը հույսեր է կապում Ասադի ռեժիմի շուտափույթ տապալման հետ, սակայն միաժամանակ վախենում է Սիրիայում իսլամիստների իշխանության գալուց: