Ռուսաստանը ցանկանում է նորմալ հարաբերություններ ունենալ ԱՄՆ-ի հետ․ Լավրով
Համաշխարհային Մամուլ
Ամերիկացի լրագրող Թաքեր Կառլսոնը հարցազրույցում ՌԴ ԱԳ նախարար Սերգեյ Լավրովին հարցրել է, թե արդյոք ԱՄՆ-ն ու Ռուսաստանի Դաշնությունը պատերազմի մեջ են, փոխանցում է Kommersant-ը։
«Չէի ասի: Բայց, ամեն դեպքում, սա այն չէ, ինչ մենք ուզում ենք։ Իհարկե մենք կցանկանայինք նորմալ հարաբերություններ ունենալ մեր բոլոր հարևանների հետ, ընդհանրապես բոլոր երկրների հետ, հատկապես այնպիսի մեծ երկրի, ինչպիսին ԱՄՆ-ն է»,- ասել է Սերգեյ Լավրովը։
Նախարարը հավելել է, որ ՌԴ նախագահ Վլադիմիր Պուտինը «բազմիցս արտահայտել է իր հարգանքը» Միացյալ Նահանգների ժողովրդի, նրա պատմության և ձեռքբերումների նկատմամբ։ Ըստ Լավրովի՝ Ռուսաստանն ու Միացյալ Նահանգները կարող են համագործակցել՝ «հանուն ողջ տիեզերքի»։
«Ոմանք այն, ինչ կատարվում է Ուկրաինայում, անվանում են հիբրիդային պատերազմ։ Ես էլ այդպես կանվանեի։ Ակնհայտ է, որ ուկրաինացիներն, առանց ամերիկյան զինվորականների անմիջական մասնակցության, չէին կարող անել այն, ինչ անում են առաջադեմ հեռահար սպառազինություններիով։ Սա վտանգավոր է»,- ասել է ՌԴ ԱԳՆ ղեկավարը։
ՈՒՂԻՂ ԵԹԵՐ
Ամենադիտված 
Մայիս ամսվա ոչ աշխատանքային և տոնական օրերը
