Որքան գումար է ծախսել Մասկը Թրամփի նախընտրական արշավի համար. CNN

Ամերիկացի ձեռնարկատեր Իլոն Մասկը ԱՄՆ նորընտիր նախագահ Դոնալդ Թրամփի նախընտրական քարոզարշավի վրա ծախսել է առնվազն 260 միլիոն դոլար։ Այս մասին հայտնում է CNN-ը՝ վկայակոչելով Դաշնային ընտրական հանձնաժողովի փաստաթղթերը։

«Իլոն Մասկը նվազագույնը 260 միլիոն դոլար է ներդրել Դոնալդ Թրամփին Սպիտակ տուն վերադարձնելու ջանքերում։ Այս վիթխարի ներդրումը նրան դարձնում է նախագահական արշավի ամենամեծ քաղաքական դոնորներից մեկը»,- ​​ասվում է հրապարակման մեջ։

Հեռուստաընկերության տվյալներով՝ Մասկի գործողությունները մեծ ազդեցություն են ունեցել այս տարվա ընտրությունների արդյունքների վրա։