Պուտինն ինքն է որոշում կայացրել ապաստան տրամադրել Ասադին. Պեսկով

Ռուսաստանի նախագահ Վլադիմիր Պուտինը որոշել է քաղաքական ապաստան տրամադրել իր սիրիացի գործընկեր Բաշար ալ-Ասադին և նրա ընտանիքին։ Այս մասին հայտնել է ՌԴ ղեկավարի մամուլի քարտուղար Դմիտրի Պեսկովը, մեջբերում է ՏԱՍՍ-ը։

«Իհարկե, առանց պետության ղեկավարի նման որոշումներ չեն կարող կայացվել։ Դա իր որոշումն է»,- ասել է նա։

Միևնույն ժամանակ, Կրեմլի ներկայացուցիչը նշել է, որ այս հարցի վերաբերյալ պաշտոնական հայտարարություններ չկան։

«Ես հիմա ոչինչ չեմ կարող ասել այս թեմայով»,- ընդգծել է Պեսկովը։