«Aznavour 100» բարեգործական համերգի հասույթը կուղղվի պատերազմների մասնակից ուսանողների կրթավճարներին

Դեկտեմբերի 17-ին՝ ժամը 19։00-ին, Արամ Խաչատրյան համերգասրահում տեղի կունենա «Aznavour 100» համերգը՝ նվիրված մեծանուն երաժիշտ և բարերար Շառլ Ազնավուրի 100-ամյա հոբելյանին:

Համերգային ծրագրում ֆրանսիացի արտիստ Ժյուլ Գրիզոնը կներկայացնի Շառլ Ազնավուրի հայտնի և սիրված երգերը, որոնց գործիքավորման աշխատանքները մեծ սիմֆոնիկ նվագախմբի և մենակատարների համար կատարել է ճապոնացի վիրտուոզ երաժիշտ Նոբույուկի Նակաջիման, ով նախագծում հանդես է գալու նաև որպես դաշնակահար: Եվ այս ամենը Հայաստանի ազգային ֆիլհարմոնիկ նվագախմբի մասնակցությամբ ու մաեստրո Էդուարդ Թոփչյանի դիրիժորությամբ։

Միջոցառման ողջ հասույթն ուղղվելու է 2016, 2020թթ պատերազմների և դրանց հաջորդող մարտական գործողությունների մասնակից ուսանողների կրթավճարի տրամադրմանը:

Ծրագրում.
– MEDDLEY LA BOHEME
– UNE VIE D’AMOUR ( DUO )
– PARIS AU MOIS D’AOUT
– LA BOHEME
– TU T’LAISSES ALLER
– LES DEUX GUITARES
– HIER ENCORE
– A MA FILLE
– SA JEUNESSE
– LA MAMMA
– MOURIR D’AIMER
– J’ME VOYAIS DEJA
– FOR ME FORMIDABLE
– SHE
– EMMENEZ MOI
– POUR TOI ARMENIE