Ռուսաստանն ու Ադրբեջանը բանակցություններ են վարել

Ադրբեջանի և Ռուսաստանի պատվիրակությունները բանակցություններ են վարել Կասպից ծովի ծանծաղացման հարցի շուրջ։ Այդ մասին ասվում է Ադրբեջանի բնապահպանության և բնական պաշարների նախարարության մամուլի ծառայության հաղորդագրության մեջ։

«Հանդիպումը քննարկել է Կասպից ծովի մակարդակը, ծանծաղացման միտումները և այս գործընթացի պատճառները, էկոհամակարգի վրա ազդեցության գնահատումը, ներառյալ կենսաբանական ռեսուրսները, համագործակցությունը շրջակա միջավայրի մոնիտորինգի ոլորտում, հարմարվողականության միջոցառումները և հետևանքները մեղմելու ուղիները։ Ընդգծելով օպերատիվ և կոնկրետ միջոցների ձեռնարկման կարևորությունը՝ նվազագույնի հասցնելու ծովի ծանծաղացման հետևանքները և կանխելու այս գործընթացը, մենք պայմանավորվեցինք ապահովել առկա տվյալների և գիտական արդյունքների փոխադարձ փոխանակումը»,-ասված է հաղորդագրությունում։

Հիշեցնենո, որ իրականում Ադրբեջանը անխնա հատում է Սյունիքի օկուպացված տարածքում աշխարհում եզակի «Սոսիների պուրակ» արգելավայրի հազարամյա ծառերը, Արցախի օկուպացված տարածքներում փշալարերի միջոցով փակում է վայրի կենդանիների միգրացիայի ուղիները, ինչի հետևանքով արդեն արձանագրվել է այդ կենդանիների անկման դեպքեր։