Հայիթիում ավազակախումբը 110 մարդու է սպանել

Հայիթիի Սիտե Սոլեյլ թաղամասում Wharf Jeremie խմբավորման կողմից առնվազն 110 մարդ է սպանվել, հայտնում է BBC-ն: Ջարդի պատճառը հանցախմբի ղեկավար Մոնել Միկանո Ֆելիքսի կասկածներն էին, որ իր երեխային վնասել են կախարդության միջոցով։

Ֆելիքսը հրամայել է կոտորածը այն բանից հետո, երբ նա վուդու քահանայից խորհուրդ է հարցրել իր երեխայի հիվանդության մասին՝ տեղեկանալով, որ կախարդությամբ երեխային վնասելու մեջ մեղավոր են  մի խումբ տարեց բնակիչներ։

Մաչետներով և դանակներով զինված հանցախմբի անդամները սպանել են առնվազն 60, իսկ հաջորդ օրը՝ 50 մարդու։ Բոլոր զոհերը 60 տարեկանից բարձր են եղել։