ԱՊՀ երկրների ապրանքաշրջանառությունը երեք եռամսյակում աճել է ավելի քան 11%-ով. Միշուստին

Ռուսաստանը շահագրգռված է ԱՊՀ երկրների հետ տնտեսական և հումանիտար կապերի ամրապնդմամբ, ՌԻԱ Նովոստիի հաղորդմամբ՝ հայտարարել է ՌԴ վարչապետ Միխայիլ Միշուստինը։

«Մենք շահագրգռված ենք ամրապնդել պատմականորեն կայացած տնտեսական և հումանիտար կապերը», - ասել է Միշուստինը:

«ԱՊՀ երկրների մասնաբաժինը Ռուսաստանի արտաքին առևտրում աճել է մինչև 16 տոկոս, իսկ մեր փոխադարձ առևտրաշրջանառությունը այս տարվա երեք եռամսյակում աճել է ավելի քան 11 տոկոսով», - հավելել է ՌԴ վարչապետը:

Բացի այդ, Միշուստինը նշել է տրանսպորտի ոլորտում համատեղ աշխատանքը, որտեղ «ստեղծվում է բազմամոդալ լոգիստիկ կենտրոնների, հանգույցների և տերմինալների լայնածավալ համակարգ», ինչպես նաև համագործակցությունը կրթության ոլորտում։

Մոսկվայում Միշուստինի նախագահությամբ ընթանում է ԱՊՀ կառավարությունների ղեկավարների խորհրդի նիստը, որին մասնակցում է Հայաստանի փոխվարչապետ Մհեր Գրիգորյանը։