Չինաստանի նախագահը չի մասնակցի Թրամփի երդմնակալությանը․ CBS

Չինաստանի նախագահ Սի Ծինփինը չի մեկնի Վաշինգտոն՝ մասնակցելու Դոնալդ Թրամփի երդմնակալության արարողությանը, հայտնում է CBS-ը։

Ավելի վաղ հեռուստաալիքը, հղում անելով աղբյուրներին, հայտնել էր, որ Թրամփը Չինաստանի Ժողովրդական Հանրապետության նախագահին հրավեր է ուղարկել իր երդմնակալության արարողությանը, որը նախատեսվում է անցկացնել 2025 թվականի հունվարի 20-ին։ Այս տեղեկությունը հաստատել է Թրամփի մամուլի խոսնակ Քերոլայն Լևիտը։

«Ակնկալվում է, որ ԱՄՆ-ում Չինաստանի դեսպանը և նրա կինը կմասնակցեն հունվարի 20-ին կայանալիք միջոցառմանը, ինչը ստանդարտ պրակտիկա է», - հաղորդում է հեռուստաալիքը:

Աղբյուրները հավելել են, որ դեսպանին կարող են միանալ Պեկինից այլ պաշտոնյաներ, բայց ոչ ինքը՝ Չինաստանի առաջնորդը։