Բացահայտվել է Լավրովի դերն Ասադի փրկության գործում
Համաշխարհային Մամուլ
ՌԴ ԱԳ նախարար Սերգեյ Լավրովն ամեն ինչ արել է Սիրիայի նախագահ Բաշար ալ-Ասադի անվտանգությունն ապահովելու և նրան երկրից տարհանելու համար։ Այս մասին հայտնում է Reuters-ը՝ հղում անելով աղբյուրներին։
«Անվտանգության արևմտյան աղբյուրներից մեկն ասել է, որ [Ռուսաստանի արտաքին գործերի նախարար Սերգեյ] Լավրովն արել է «ամեն ինչ», որպեսզի ապահովի Ասադի անվտանգ հեռանալը», - նշվում է գործակալության զեկույցում։
Մասնավորապես, ըստ հոդվածի՝ Դոհայում բանակցությունների ընթացքում Լավրովը Թուրքիայից և Կատարից Ասադի անվտանգության երաշխիքներ է ստացել, և նրանք պարտավորվել են ազդել զինված խմբավորումների վրա՝ սահուն տարհանումն ապահովելու համար։
Նաև հաղորդվում է, որ Բաշար ալ-Ասադը գաղտնի է պահել երկիրը լքելու իր ծրագրերը և փախչելուց առաջ իբր հավաստիացրել է սպաներին, որ Ռուսաստանն օգնություն է տրամադրելու:
Նյութերի հեղինակները նաեւ ընդգծում են, որ Ասադն այնքան երկար է թաքցրել փախուստի իր ծրագրերը, որ անգամ չի հայտնել իր կրտսեր եղբորը՝ Մահեր Ասադին։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
