Ողբերգական դեպք Տեխասում՝ երկու անչափահաս է մահացել երեկույթին․ ABC News

ԱՄՆ Տեխասի Հյուսթոն քաղաքում ինքնաբուխ երեկույթի ժամանակ հրաձգության հետևանքով երկու անչափահաս է զոհվել, հայտնում է ոստիկանության պետի օգնական Լուիս Մենենդես-Սիերան, փոխանցում է ABC News-ը։

16-ամյա տղան մահացել է դեպքի վայրում, իսկ 3-ամյա աղջիկը՝ Տեխասի մանկական հիվանդանոցում․ կան նաև տուժածներ։

Խնջույքը կազմակերպվել է սոցիալական ցանցերի միջոցով լքված խանութում, որին մասնակցել են հիմնականում անչափահասներ։ Իրավապահները դեռ տեղեկություն չունեն, թե ով է կրակ բացել։