Կրոնական բախումներ Լիբանանում

Լիբանանի Տրիպոլի քաղաքում 17 մարդ է զոհվել սունիների և ալեվի ռազմական բախումների ժամանակ: Տրիպոլին, որը Լիբանանի մեծությամբ երկրորդ քաղաքն է, հյուսիսում սահմանակցում է Սիրիային և մշտապես սուիների ու ալևիների բախման ասպարեզ է եղել: Այս մասին նշել է New York Times ամերիկյան պարբերականը:

21 ամսվա ընթացքում Սիրիայում Բաշար Ասադի և ընդդիմության միջև բախումների ժամանակ Լիբանանում տիրող իրավիճակը սրվել էր: Լիբանանի սունիները միավորվել էին և կողմնակից էին ալևի Բաշար Ասադի ընդդիմությանը, իսկ Լիբանանի ալևի բնակչությունը կողմնակից էր գործող նախագահին: Լիբանանի սունի բնակիչներից շատերը բախման ժամանակ անցել էին Սիրիայի սահմանը և միավորվել կրոնական խմբավորումների, այդ թվում՝ Jabhet al-Nusra-ի հետ, որն ԱՄՆ-ի կողմից ճանաչվել է որպես ահաբեկչական կազմակերպություն:  

Վերջին բախումները սկսվեցին այն բանից հետո, երբ որոշ սունի կռվողներ Հյուսիսայաին Լիբանանից սպանվեցին կառավարական ուժերի կողմից, երբ նրանք փորձում էին ներթափանցել Սիրիա և միանալ ընդդիմադիր ուժերին: Լիբանանյան աղբյուրների համաձայն՝ սպանվածների թիվը հասնում է 17-ի:

Վախ կա, որ բախումները կարող են տարածվել նաև Լիբանանի այլ տարածքներում: