Շոլցն առաջարկել է Գերմանիայի նախագահին ցրել Բունդեսթագը

Գերմանիայի կանցլեր Օլաֆ Շոլցն առաջարկել է երկրի նախագահ Ֆրանկ-Վալտեր Շտայնմայերին ցրել Բունդեսթագը (խորհրդարանը) վստահության քվեի տապալումից հետո։ Այս մասին, ՏԱՍՍ–ի փոխանցմամբ, հայտնում է DPA գործակալությունը՝ հղում անելով կառավարական աղբյուրներին։

Ավելի վաղ երկուշաբթի օրը Գերմանիայի խորհրդարանի պատգամավորների մեծամասնությունը արտահերթ նիստի ժամանակ անվստահություն հայտնեց Շոլցին՝ դրանով իսկ ճանապարհ բացելով Գերմանիայում արտահերթ խորհրդարանական ընտրությունների համար։ Կառավարության ներկայիս ղեկավարին աջակցություն է հայտնել Բունդեսթագի 207 պատգամավոր՝ 717 ներկաներից, 116-ը ձեռնպահ են մնացել։  

Ինչպես հաղորդում է NTV-ն, հանդիպումից հետո Շոլցն անմիջապես գնացել է ԳԴՀ նախագահի բեռլինյան նստավայր՝ Բունդեսթագը ցրելու առաջարկով։