Վատիկանը հայտնվել է սնանկացման եզրին

Վատիկանը եկամուտների կտրուկ անկումից հետո սնանկացման եզրին է:

Այս մասին, Strana-ի փոխանցմամբ, հայտնում է Express-ը։

2023 թվականին քաղաք-պետության գործառնական դեֆիցիտը կազմել է 83 միլիոն եվրո, ինչը 5 միլիոնով ավելի է նախորդ տարվա համեմատ, գրում է հրատարակությունը՝ վկայակոչելով ֆինանսական հաշվետվությունը։

Թերթը դեֆիցիտի հիմնական պատճառ է նշում աշխարհի կաթոլիկ եկեղեցիների, ինչպես նաև բնակչության կողմից նվիրատվությունների կրճատումը։ Դա առաջին հերթին պայմանավորված է նրանով, որ մեծ թվով կաթոլիկներ հիասթափված են Հռոմի Պապ Ֆրանցիսկոսի բարեփոխումներից։ Մեկ այլ պատճառ էլ Վատիկան այցելուների ցածր մակարդակն է՝ համեմատած մինչհամաճարակային ցուցանիշների հետ։