Բրիթնի Սփիրսի «անիծված» տունը վաճառքի է հանվել (լուսանկարներ)

Հոլիվուդ Հիլզում գտնվող տխրահռչակ առանձնատունը, որտեղ նախկինում ապրել են դերասանուհի Բրիտանի Մերֆին ու երգչուհի Բրիթնի Սփիրսը, վաճառվում է 18 միլիոն դոլարով: Այս մասին հայտնում է New York Post-ը՝ հղում անելով Լոս Անջելեսի ռիելթորների կայքին։

Այդ տանը, որն ամերիկյան մամուլն «անիծված» է անվանում, ապրել է դերասանուհի Բրիտանի Մերֆին։ Հենց այնտեղ էլ 2009 թվականին ողբերգություն տեղի ունեցավ արտիստի հետ։ Ավելի ուշ նրա ճակատագիրը կրկնեց ամուսինը՝ Սայմոն Մոնջակը։

Ուրվականների տանը բնակվել է նաև Բրիթնի Սփիրսը, ով այդ ժամանակ ծանր օրեր էր ապրում՝ թմրամոլության պատճառով հայտնվելով սկանդալների մեջ։ Նա այն ժամանակ պնդում էր, որ հենց այդ առանձնատանն է հանդիպել գերբնական ուժերին, որից հետո անմիջապես լքել է տունը:

Հաղորդվում է, որ գույքը ներկայումս վաճառվում է զեղչված գնով, սակայն գնորդ դեռևս չի գտնվել։