ԱՄՆ-ն սարսափած է ԴԱԻՇ-ի անդամների հնարավոր ազատ արձակումից
Համաշխարհային Մամուլ
ԱՄՆ-ում պաշտոնյաները մտահոգված են, որ Սիրիայի նախագահ Բաշար ալ-Ասադի հեռանալուց հետո Սիրիայի բանտերում պահվող ԴԱԻՇ-ի հազարավոր զինյալներ կարող են ազատ արձակվել, գրում է Politico-ն, ինչի մասին հայտնում է Euromedia24-ը։
«Դա նման է հետաձգված ժամանակացույցով ռումբի։ Եթե Թուրքիան չդադարեցնի հարձակումները Սիրիայի դեմոկրատական ուժերի դեմ (SDF), մենք կարող ենք առնչվել բանտից զանգվածային փախուստի»,-ասել է ԱՄՆ-ի հակաահաբեկչական ծառայության բարձրաստիճան պաշտոնյան:
Հրատարակությունը հիշեցնում է, որ ԱՄՆ-ի կողմից աջակցվող SDF-ը, որը քրդական ռազմական դաշինք է, պատասխանատու է ԴԱԻՇ-ի շուրջ 9 հազար գրոհայինների և նրանց հետ կապված գրեթե 50 հազար մարդկանց, այդ թվում՝ կանանց և երեխաներին, բանտերում և ժամանակավոր կալանավայրերում պահելու համար։ Բանտարկյալների մեծ մասը Իրաքի և Սիրիայի քաղաքացիներ են, սակայն կան նաև Եվրոպայի, Ասիայի և Հյուսիսային Ամերիկայի բնակիչներ։
Միևնույն ժամանակ, Թուրքիան քրդական ուժերը դիտարկում է որպես անվտանգության սպառնալիք, և այդ պատճառով Անկարայի կողմից աջակցվող խմբերը բազմիցս հարձակումներ են իրականացրել SDF-ի դեմ այն բանից հետո, երբ զինված ընդդիմությունը գրավեց իշխանությունը Սիրիայում:
Ներկայում Սիրիայում մոտ 900 ամերիկացի զինծառայող կա, որոնք պատրաստում են SDF-ի մարտիկներին։
Ամենադիտված 
-20․ ձյան տեսքով տեղումներ են սպասվում․ օդի ջերմաստիճանը կնվազի
