ԵՄ առաջնորդները Թրամփին «հստակ ուղերձ» կուղարկեն Ուկրաինայի վերաբերյալ. Reuters
Համաշխարհային Մամուլ
ԵՄ առաջնորդները նախատեսում են Բրյուսելի գագաթնաժողովում վերահաստատել Ուկրաինային շարունակական աջակցությունը։ Քննարկվելու են նաև Թրամփի վերադարձի մարտահրավերները և ԱՄՆ-ի հետ հնարավոր առևտրային պատերազմը, գրում է Reuters-ը։
Եվրամիության առաջնորդները մտադիր են գագաթնաժողովի ժամանակ «հստակ ազդանշան» ուղարկել ԱՄՆ նորընտիր նախագահ Դոնալդ Թրամփին Ուկրաինային իրենց շարունակական աջակցության մասին, ինչպես նաև կքննարկեն անվտանգության և տնտեսական մարտահրավերները, որոնք բխում են նրա՝ Սպիտակ տուն վերադարձից։
Թրամփը բազմիցս կոչ է արել շուտափույթ դադարեցնել պատերազմը։ Երկուշաբթի նա ասել է, որ Զելենսկին պետք է պատրաստ լինի խաղաղության համաձայնագիր կնքել Ռուսաստանի նախագահ Վլադիմիր Պուտինի հետ, թեև նա չի ասել, թե արդյոք դա նշանակում է, որ Կիևը պետք է տարածք զիջի Մոսկվային:
«Ռուսաստանը չպետք է հաղթի»,- ասվում է ԵՄ եզրակացությունների նախագծում՝ հավելելով, որ Ուկրաինայի վերաբերյալ ոչ մի նախաձեռնություն չպետք է իրականացվի՝ առանց Կիևի մասնակցության։
Ամենադիտված 
-20․ ձյան տեսքով տեղումներ են սպասվում․ օդի ջերմաստիճանը կնվազի
