«Մեր երկար ձեռքը ձեզ նույնպես կհասնի». Իսրայելի ՊՆ-ն սպառնացել է
Համաշխարհային Մամուլ
Իսրայելի «ձեռքը կհասնի» շարժման առաջնորդներին, եթե նրանց հարձակումները շարունակվեն։ Այս մասին հայտարարել է Իսրայելի պաշտպանության նախարար Իսրայել Կացը՝ մեկնաբանելով հութիների «Անսար Ալլահ» շարժման գիշերային հարձակումը հրեական պետության վրա։
«Ես զգուշացնում եմ հութիների ահաբեկչական կազմակերպության առաջնորդներին։ Իսրայելի երկար ձեռքը կհասնի նրան, ով ձեռք կբարձրացնի Իսրայել պետության վրա։ Այդ ձեռքը կկտրվի»,-ասել է Կացը X սոցիալական ցանցում հրապարակված տեսաուղերձում։
Նախարարը վստահեցրել է, որ իշխանությունները թույլ չեն տա հրթիռային հարձակումներ ո՛չ Իսրայելի, ո՛չ ծովային ճանապարհների վրա՝ սպառնալով ուժեղ հարված հասցնել։
Դեկտեմբերի 18-ին Իսրայելի կենտրոնական հատվածում, այդ թվում՝ Թել Ավիվում, օդային հարվածների ազդանշաններ են հնչել: Իսրայելի պաշտպանության բանակը հայտարարել է, որ ահազանգը բարձրացվել է Եմենից հրթիռի արձակման պատճառով, որը որսացել է Իսրայելի օդային տարածք մտնելուց առաջ:
Ի պատասխան՝ Իսրայելի ռազմաօդային ուժերը հարձակվել են Եմենի նավահանգիստների վրա և Սանայում՝ էներգետիկ ենթակառուցվածքների վրա։ Իսրայելի պաշտպանության բանակը նշել է, որ այդ օբյեկտները նպաստել են հութիների ռազմական գործողություններին:
Ամենադիտված 
-20․ ձյան տեսքով տեղումներ են սպասվում․ օդի ջերմաստիճանը կնվազի
