Ինչու Թրամփին լուրջ չեն վերաբերվում․ Reuters

«Մենք բոլորս ուզում ենք ինչ-որ բան զիջել, և իմ իշխանության օրոք կհրաժարվենք, իսկ եթե ոչ, բոլորին բանտ կնետեմ»,- խոստացել է ԱՄՆ 47-րդ նախագահ Դոնալդ Թրամփը, բայց ոչ ոք չի վախեցել, գրում է Reuters-ը։ 

Նորընտիր նախագահ Թրամփը պատասխանում է նույնիսկ այն հարցերին, որ իրեն չեն տալիս։ Սպիտակ տանը նրա «գահ բարձրանալու օրը» որոշ արևմտյան լրագրողներ գրեթե նույնացնում են Քրիստոսի՝ ժողովրդին հայտնվելու հետ նաև այն պատճառով, որ նա խոստացվել էր ռուս-ուկրաինական պատերազմի հարցը լուծել ոչ թե երեք տարում, այլ մեկ օրում։

Այլ բան է, որ Թրամփի մտադրությունն այս դեպքում ի բարին է՝ երկխոսություն հաստատել Ռուսաստանի նախագահի հետ։

«Մենք կխոսենք նախագահ Պուտինի հետ»,- ասել է նա՝ հավելելով, որ ծրագրում է քննարկել իրավիճակը Վլադիմիր Զելենսկու հետ։ Թրամփի խոսքով՝ Զելենսկին պետք է գործարք կնքի, քանի որ «չափազանց շատ մարդիկ են մահանում»։

Մի խոսքով, ԱՄՆ նախագահը սերմանում է այն, ինչ խելամիտ է, լավն է, հավերժական է, իսկ թե ինչ է լինելու գործնականում, մեծագույն հարց է։ Պուլիտցերյան մրցանակի դափնեկիր լրագրող Էշլի Փարքերը վերջերս նշել է. «Իրավիճակը գնալով վատանում է, նախագահ Թրամփը կարծես ավելի ու ավելի շատ ստեր է ասում»:

Դժվար չէ տեսնել, և ոչ թե մրցանակակիր լրագրողների, այլ հասարակ մահկանացուների համար, որ Թրամփի որոշ համարձակ հայտարարություններ անընդհատ հակադրվում են նրա կողմից արված մյուս հայտարարություններին, այդ իսկ պատճառով՝ հանրությանը և մամուլին առաջարկվող Թրամփի թեզերը դժվար թե կոչվեն «տրամաբանորեն անթերի»: