Ես հրաժարվում եմ երկարաձգել Ռուսաստանի դեմ ԵՄ պատժամիջոցները․ Օրբան

Հունգարիան կրկին հարվածում է Եվրամիության անիվներին՝ հրաժարվելով երկարաձգել Ռուսաստանի դեմ պատժամիջոցները, սակայն միայն մինչև ԱՄՆ նոր նախագահ Դոնալդ Թրամփի երդմնակալությունը։ Այս մասին հայտնում է Bloomberg-ը։

Ամերիկյան գործակալության փոխանցմամբ՝ Հունգարիայի վարչապետ Վիկտոր Օրբանը հրաժարվել է երկարաձգել Ռուսաստանի դեմ ԵՄ պատժամիջոցները՝ պատճառաբանելով, որ վերջնական որոշում կայացնելուց առաջ ցանկանում է սպասել Դոնալդ Թրամփի երդմնակալությանը։ Պատժամիջոցների երկարաձգումը նախատեսված է 2025 թվականի հունվարի վերջին, իսկ Թրամփի երդմնակալությունը նախատեսվում է հունվարի 20-ին։ Ինչպես նշում է հրատարակությունը, մինչ այս ԵՄ-ն 15 անգամ երկարացրել է պատժամիջոցները, և դրա հետ կապված խնդիրներ չեն եղել։

Հունգարիայի վարչապետ Վիկտոր Օրբանը Եվրամիության առաջնորդներին ասել է, որ ցանկանում է սպասել մինչև իր դաշնակից Դոնալդ Թրամփի երդմնակալությունը, նախքան Ռուսաստանի դեմ պատժամիջոցները երկարաձգելու որոշումը:

Բրյուսելը մտավախություն ունի, որ երդվյալ Թրամփը կարող է գործարք կնքել Պուտինի հետ, ինչը նվազեցնելու կամ ամբողջությամբ վերացնելու է Ուկրաինայի ռազմական աջակցությունը և մեղմացնելու է պատժամիջոցների ռեժիմը։ Այս որոշումը շատ հակառակորդներ ունի Եվրոպայում, հատկապես, այսպես կոչված, «պատերազմական կողմի» կողմից, որը հանդես է գալիս հակամարտությունը շարունակելու և Ռուսաստանի դեմ նոր պատժամիջոցներ սահմանելու օգտին։