Հրապարակվել է Ջեյմս Գանի Սուպերմենի առաջին թիզերը (լուսանկարներ)

Warner Bros-ը ներկայացրել է «Սուպերմեն» ֆիլմի առաջին թիզերը։ Ջեյմս Գանի նոր ֆիլմի պրեմիերան կկայանա 2025 թվականի հուլիսի 11-ին աշխարհի կինոթատրոններում, հայտմում է Hollywood Reports-ը։

«Սուպերմենը» պատմում է Քլարկ Քենթի վաղ կյանքի և բոլոր ժամանակների ամենահայտնի սուպերհերոսի վերելքի մասին: Հերոսի դերը բաժին հասավ Դեյվիդ Քորենսվետին, իսկ Լոիս Լեյնի կերպարը կմարմնավորի Ռեյչել Բրոսնահանը։

Լուսանկարիչ Ջիմի Օլսենի դերը կատարելու է Սքայլեր Ջիսոնդոն, իսկ Նիկոլաս Հուլթը, ով հայտնի է «Mad Max: Fury Road» ֆիլմով, մարմնավորելու է գլխավոր չարագործին։

Ֆիլմը նշանակելու է DC-ի նոր կինոտիեզերքի սկիզբը, որն ամբողջությամբ վերսկսելու է ֆիլմերի ֆրանշիզայի իրադարձությունները:

Այժմ այն ​​ղեկավարում են Ջեյմս Գանը և Փիթեր Սաֆրանը: