Ամանորյա մանկական ներկայացումներ․ ո՞ւր տանել երեխաներին

«Հրապարակ»-ը գրում է․ 

Երազե՞լ եք երբեւէ հայտնվել իսկական տոնական հեքիաթում: Այժմ կարող եք ձեր ցանկությունն իրականություն դարձնել՝ այցելելով «Santa City» ներկայացմանը։ «Շունչ» թատրոնը դեկտեմբերի 20-ից հրավիրում է Ստանիսլավսկու անվան թատրոն դիտելու «Santa City» ներկայացումը։ Տոմսերի արժեքը՝ 1500-6000 դրամ։

Երեւանի Հրաչյա Ղափլանյանի անվան դրամատիկական թատրոնը հրավիրում է դիտելու «Ընկույզկոտրուկի գաղտնիքը» երաժշտական ուրախ ներկայացումը, որը կհետաքրքրի թե՛ մեծերին, թե՛ փոքրերին։ Տոմսերի արժեքը` 1500-4000 դրամ: Նույն թատրոնում կարող եք դիտել նաեւ Աստրիդ Լինդգրենի սիրված հեքիաթը՝ «Երկարագուլպա Պեպպին» մանկական հեքիաթ-ներկայացումը, սիրված դերասանների կատարմամբ։ Տոմսերի արժեքը` 1500-4000 դրամ:

Սիրված հերոսներով ամանորյա ներկայացումներն ավելի ուրախ եւ հիշարժան կդարձնեն փոքրիկների Ամանորը՝ «Մաշան, Միկին եւ ընկերները», ինչպես նաեւ՝ «Մադագասկարի բոլոր բնակիչները»։ ԵԹԿՊԻ ուսումնական թատրոնում կարող եք դիտել «Բժիշկ Մաշայի new արկածները» ներկայացումը։ Ինչպես նաեւ՝ «Ամանորը դիսնեյում/Միկին եւ նրա ընկերները» զվարճալի մանկական ամանորյա ներկայացումը երեխաների համար, որին մասնակցում են տիկնիկներ, կերպարներ, ակրոբատներ: Այդ թվում՝ «Ամանորը Մադագասկարում» ամանորյա զվարճալի մանկական ներկայացումը, որին մասնակցում են տիկնիկներ, կերպարներ, վարժեցված շնիկներ։ Տոմսերի արժեքը՝ 1500-3000 դրամ։

Օպերայի եւ բալետի ազգային ակադեմիական թատրոնւմ կարող եք դիտել «Մարդուկ-Ջարդուկը» ամանորյա ամենասիրված եւ պահանջված բալետը, գեղեցիկ հեքիաթ մեծերի եւ փոքրերի համար։ Տոմսերի արժեքը՝ 5000-15000 դրամ: