Իրանն առաջարկել է Սիրիայում հակամարտության կարգավորման իր ծրագիրը

Իրանն առաջարկել է Սիրիայում հակամարտության կարգավորման իր ծրագիրը, որը, ի թիվս այլ հարցերի, նախատեսում է նաև խորհրդարանական և նախագահական ընտրությունների անցկացոմ. այս մասին հայտնում է Sham Press կայքը: Իրանական նախաձեռնությունը, որը բաղկացած է 6 հիմնական դրույթներից, ներառում է բռնության վերացում, Սիրիային զենքի մատակարարման դադարեցում, հրաժարում արտաքին միջամտությունից, ներսիրիական ազգային զանգվածային երկխոսության սկիզբ, ինչպես նաև «հարմար ժամանակ» խորհրդարանական և նախագահական ընտրությունների անցկացում: Իրանական արտաքին գերատեսչության ղեկավար Հոսեյն Ամիրա Աբդոլահիանի խոսքերով՝ իրանական նախաձեռնությանն արդեն ծանոթացել են Ռուսաստանը, Սաուդյան Ամերիկան, Թուրքիան, ինչպես նաև ՄԱԿ-ի հատուկ բանագնաց Լախդար Բրահիմին: «Ծրագիրը դրական արձագանքների է արժանացել», - ընդգծել է Աբդոլահիանը:

Հիշեցնենք, որ Սիրիայում ներքին զինված հակամարտությունը շարունակվում է արդեն ավելի քան 20 ամիս: Այս ընթացքում, ըստ տարբեր տվյալների, զոհվել է 20-40 հազար մարդ, հարյուր հազարավոր մարդիկ դարձել են փախստական: Երկրի տնտեսությանը հսկայական վնաս է հասցվել: Երկրի իշխանությունները հայտարարում են, որ բախվում են լավ զինված զինյալների հետ, որոնք աջակցություն են ստանում արտերկրից: