Սիրիայի նախկին նախագահ Ասադի կինը ամուսնալուծության հայց է ներկայացրել

Սիրիայի տապալված նախագահ Բաշար ալ Ասադի կինը՝ Ասմա ալ Ասադը, ամուսնալուծության հայց է ներկայացրել։ Նա ցանկանում է վերադառնալ Լոնդոն, որտեղ ծնվել ու մեծացել է, հայտնում են միջազգային ԶԼՄ-ները։

Ասմա ալ Ասադը Մեծ Բրիտանիայի քաղաքացի է։ Այնուամենայնիվ, Ասման կարող է բախվել իրավական և նյութատեխնիկական խնդիրների, քանի որ մի շարք եվրոպական երկրներ և միջազգային կազմակերպություններ նրա դեմ պատժամիջոցներ են կիրառել՝ ներառյալ ճանապարհորդության արգելքը և ակտիվների սառեցումը:

Ասմա ալ Ասադը մեղադրվում է Բաշար ալ-Ասադի օրոք երկրում տիրող կոռուպցիայի մեջ։ Չնայած Եվրամիությունից Մեծ Բրիտանիայի դուրս գալուն՝ Լոնդոնը շարունակում է պահպանել այդ պատժամիջոցները։

Ասման հիմա Մոսկվայում է։ Նա ՌԴ իշխանություններին երկրից հեռանալու թույլտվության հարցում է ներկայացրել, սակայն դիմումը դեռ քննարկման փուլում է։