ԱՄՆ-ը հերքում է Սիրիայի ընդդիմությանը զենք մատակարարելու մասին լուրերը

Վաշինգտոնը չի պատրաստվում զինել սիրիացի ընդդիմադիրներին. երկուշաբթի օրը հայտարարել է Պետդեպարտամենտի պաշտոնական ներկայացուցիչ Վիկտարիա Նուլանդը: Այդ կերպ նա հերքել է Sunday Times-ի տարածած լուրերն այն մասին, թե ԱՄՆ-ը պատրաստվում է զենք մատակարարել Սիրիայի հակակառավարական ուժերին՝ Բաշար Ասադի ռեժիմի շուտափույթ տապալման համար:

«Մեր դիրքորոշումը չի փոխվել: Վերջինս կայանում է նրանում, որ մենք միայն ոչ ռազմական օգնություն ենք ցուցաբերում Սիրիայի բնակչությանը և չենք պատրաստվում դուրս գալ դրա սահմաններից»,-նշել է Նուլանդը:

Ավելի վաղ՝ երկուշաբթի օրը ԵՄ արտգործնախարարներն ընհանուր հայտարարի չէին եկել Սիրիայի ընդդիմությունը որպես սիրիացի ժողովրդի միակ օրինական իշխանություն ճանաչելու հարցի շուրջ: Այն նախկինի պես դիտարկվում է որպես Սիրիայի ժողովրդի ձգտումները ներկայացնող իշխանություններից մեկը:

Նշենք, որ ընդդիմությունը որպես միակ օրինական իշխանություն ճանաչելը ԵՄ-ի համար կնշանակեր սիրիական հակամարտության ներքին կոնֆլիկտում կողմնորոշվել, թե որ կողմին է վերջինս սատարում, ինչը հնարավորություն կտար Սիրիայի ընդդիմությանը լրացուցիչ, այդ թվում և ռազմական օգնություն ցուցաբերել. գրում է Ruusia Today-ը: