Քայլի Ջեններն ու Թիմոթի Շալամեն Սուրբ Ծնունդը վաղ են նշել (լուսանկարներ)

Թիմոթի Շալամեն նախատոնական ընթրիք է ունեցել Քայլի Ջեների ընտանիքի և նրա երեխաների հետ։ Սակայն 28-ամյա դերասանն ու Kylie Cosmetics-ի 27-ամյա հիմնադիրը տոները նշելու են առանձին, հայտնում է Page Six-ը։

«Նրանք ընթրեցին Քայլիի ընտանիքի հետ և գնացին երեխաների հետ Սուրբ Ծննդյան լույսերը տեսնելու։ Նրանք հիանալի ժամանակ են անցկացրել», պատմել է ինսայդերը:

Աղբյուրը նշում է, որ զույգը Սուրբ Ծնունդը նշելու է առանձին՝ ընտանիքի հետ, սակայն «նրանք որոշել են նախապես նշել այն և արդեն նվերներ են փոխանակել»։ «Թիմոթին նվերներ է տվել ոչ միայն Քայլիին, այլև երեխաներին, ինչը Ջենների կարծիքով շատ հուզիչ էր», հավելել է ինսայդերը։

Սուրբ Ծննդին սիրահարները նախատեսում են միմյանց հետ շփվել տեսազանգերի միջոցով և զանգահարել միմյանց։

«Նրանք շատ սերտ կապ ունեն և շատ են սիրում միմյանց։ Նրանք սիրում են իրենց հարաբերությունները հնարավորինս հեռու պահել ուշադրության կենտրոնից, մանավանդ, որ իրենց կյանքի մեծ մասն անցնում է հանրության աչքին», ամփոփել է խոսքը վերջինս։