Հայտնի է՝ ԵՄ-ն ինչ պայմաններով զորքեր կուղարկի Ուկրաինա

Եվրոպական երկրներն իրենց ռազմական խմբավորումները կուղարկեն Ուկրաինայի տարածք՝ ռազմաճակատի կայունացման պայմանով։ Այս մասին գրում է Foreign Policy-ն։

«Քանի դեռ Ուկրաինան չի կայունացրել ճակատային գիծը, եվրոպական զորքերի տեղակայման քննարկումը զուտ տեսական է», - ասվում է հրապարակման մեջ:

Ինչպես նշվում է նյութում, ԵՄ երկրների բանակները դժվար թե կարողանան ինչ-որ բան անել Ուկրաինայում մարտից կոփված ռուսական բանակի դեմ։

Մինչ այս Ուկրաինայի նախագահ Վոլոդիմիր Զելենսկին Ֆրանսիայի նախագահ Էմանուել Մակրոնի հետ քննարկել է Փարիզի՝ Ուկրաինայում օտարերկրյա զորքեր տեղակայելու նախաձեռնությունը։

Ուկրաինայի ղեկավարը հանդիպումն արդյունավետ է անվանել, ինչպես նաև Ֆրանսիայի ղեկավարին ասել է, որ Ուկրաինայի հակաօդային պաշտպանության ուժեղացումը մնում է գլխավոր խնդիրը։ Զելենսկին և Մակրոնը պայմանավորվել են նաև ուկրաինացի զինվորականների ևս մեկ բրիգադ վարժեցնել Ֆրանսիայում, որտեղ նախկինում վերապատրաստվել է Ուկրաինայի Զինված ուժերի 155-րդ բրիգադը։