Հայտնի է Քրիստոֆեր Նոլանի նոր նախագծի աստղային դերասանական կազմը (լուսանկարներ)

Օսկարակիր ռեժիսոր Քրիստոֆեր Նոլանը, ով վերջերս ասպետի կոչում է ստացել, պատրաստում է իր հաջորդ խոշոր նախագիծը։ Երկար ժամանակ ֆիլմի անվանումն ու սյուժեն գաղտնի էին մնում, սակայն The Hollywood Reporter-ը բացահայտել է ապագա պրեմիերայի մանրամասները։

Նոլանի նոր ֆիլմը Հոմերի «Ոդիսական» էպիկական պոեմի ադապտացիան է։ Ռեժիսորն այս լեգենդար պատմությունն առաջին անգամ մեծ էկրան է բարձրացնելու IMAX ֆորմատով։ Universal Pictures ստուդիան հաստատել է տեղեկությունը՝ հավելելով, որ նկարահանումները տեղի են ունենալու աշխարհի տարբեր ծայրերում՝ օգտագործելով առաջադեմ կինոտեխնոլոգիաներ։

Ֆիլմի պրեմիերան նախատեսված է 2026 թվականի հուլիսի 17-ին։ Սցենարի վրա աշխատում է ինքը՝ Նոլանը իր պրոդյուսեր կնոջ՝ Էմմա Թոմասի հետ միասին։

Աստղային դերասանական կազմում ընդգրկված են այնպիսի հայտնի անուններ, ինչպիսիք են Մեթ Դեյմոնը, Զենդայան, Թոմ Հոլանդը, Էնն Գեթուեյը, Լուպիտա Նյոնգոոն, Ռոբերտ Պատինսոնը և Շարլիզ Թերոնը։ Նկարահանումները սկսվելու են 2025թ-ի առաջին կեսին։