Վլադիկավկազում պայթյուն է որոտացել. կան զոհեր և վիրավորներ (լուսանկարներ)

Վլադիկավկազում պայթյուն է որոտացել Alania Mall առևտրի կենտրոնում։ Շենքում ապակիներ են կոտրվել։ Դեպքի վայրից նկարահանված կադրերում երևում է, որ ծխի սև քուլաները բարձրանում են վերին հարկերից, փոխանցում է NGS Ru-ն։

Ըստ տվյալների վիրավորվել է ինը մարդ։ Լրատվամիջոցների տեղեկություններով՝ նրանց թիվն անընդհատ աճում է։ Արդեն հաղորդվել է մահվան առաջին դեպքի մասին։ Տվյալները, սակայն, պաշտոնապես չեն հաստատվել։

Առևտրի կենտրոնի վերին հարկերում հրդեհ է։ Ըստ նախնական տեղեկությունների՝ պատճառը գազից առաջացած պայթյունն է: Դեպքի վայր ժամանած արտակարգ ծառայությունների աշխատակիցները օպերատիվ շտաբ են ստեղծել։ Այնտեղ աշխատում են հրշեջներն ու փրկարարները։