Թայվանի զինված ուժերը կղզուն մոտեցող չինական երեք ինքնաթիռ և վեց նավ են նկատել

Թայվանի զինված ուժերը գրանցել են երեք չինական ինքնաթիռ և վեց նավ, որոնք մոտենում են կղզուն։ Այս մասին հայտնել է Թայվանի պաշտպանության նախարարությունը X-ում։

«Երեք PLA ինքնաթիռ և վեց PLA նավ, որոնք գործում էին Թայվանի շրջակայքում, հայտնաբերվել են այսօր առավոտյան՝ ժամը 01:00-ից առաջ»,-նշում է ՏԱՍՍ-ը։

Գործակալությունը նշում է, որ կղզու զինված ուժերը վերահսկում են իրավիճակը և «համապատասխանաբար արձագանքում են»։

Թայվանը կառավարվում է իր սեփական վարչակազմի կողմից՝ 1949 թվականից, երբ Չիանգ Կայ-շեկի (1887-1975) գլխավորած Կուոմինտանգի ուժերի մնացորդները փախան այնտեղ Չինաստանի քաղաքացիական պատերազմում պարտվելուց հետո։ Պեկինը Թայվանը համարում է Չինաստանի Ժողովրդական Հանրապետության գավառներից մեկը։