«Գրենլանդիայի գնումը լինելու է ԱՄՆ-ի պատմության մեջ ամենամեծ տարածքային ձեռքբերումը»․ NYP

Գրենլանդիայի հնարավոր միացումը Ամերիկայի Միացյալ Նահանգներին, որի մասին խոսել է ԱՄՆ նորընտիր նախագահ Դոնալդ Թրամփը, կարող է դառնալ նահանգի պատմության մեջ ամենամեծ ձեռքբերումը։ Այս մասին գրում է The New York Post (NYP) թերթը։

Նշվում է, որ ավելի քան երկու հարյուր տարի առաջ Միացյալ Նահանգները գործարքի մեջ է մտել Ֆրանսիայի հետ՝ գրեթե 828 հազար քառակուսի մղոն (2,14 միլիոն քառակուսի կիլոմետր) ընդհանուր տարածքով ունեցվածք գնելու վերաբերյալ: Որպես համաձայնագրի մի մաս, որը կոչվում է Լուիզիանայի գնում, տարածքը, որն այժմ պարունակում է ավելի քան տասնհինգ նահանգ, ներառյալ Լուիզիանան, փոխանցվել է Միացյալ Նահանգներին:  Փարիզի հետ գործարքը ամենախոշորն էր ԱՄՆ պատմության մեջ, նշում է NYP-ն։

«Գրենլանդիան գնելու նորընտիր նախագահ Դոնալդ Թրամփի ծրագիրը լինելու է Միացյալ Նահանգների պատմության մեջ ամենամեծ տարածքային ձեռքբերումը, որը կգերազանցի նույնիսկ 1803 թվականի Լուիզիանայի գնումը, որն այն ժամանակ գրեթե կրկնապատկեց Ամերիկայի տարածքը», ասվում է նյութում:

Ինչպես  հայտնել ենք  Թրամփը դեկտեմբերի 23-ին «բացարձակ անհրաժեշտություն» էր հայտնել գնելու Գրելանդիան։ Նախկինում Գրենլանդիան ձեռք բերելու գաղափար էր արտահայտել ԱՄՆ նախագահ Հարի Թրումենը։ Կղզին ռազմավարական տեսակետից կարևոր է համարվել օգտակար հանածոների մեծ պաշարների պատճառով։