«Եթե Կանադան դառնա մեր 51-րդ նահանգը, հարկերը կկրճատվեն 60%-ով»․ Թրամփ

ԱՄՆ նորընտիր նախագահ Դոնալդ Թրամփը Սուրբ Ծննդյան իր շնորհավորանքներում նշել է, որ Կանադայի հարկերը 60%-ով նվազելու են, եթե այն միանա Ամերիկայի Միացյալ Նահանգներին, հայտնում է Regnum-ը։

«Շնորհավոր բոլորի Սուրբ Ծնունդը, ներառյալ Չինաստանի հրաշալի զինվորներին, ովքեր սիրով, բայց անօրինական կերպով շահագործում են Պանամայի ջրանցքը նաև Կանադայի նահանգապետ Ջասթին Թրյուդոյին, այնտեղ հարկերը չափազանց բարձր են, բայց եթե Կանադան դառնա մեր 51-րդ նահանգը, հարկերը կկրճատվեն 60%-ով, նրանց բիզնեսը անմիջապես կկրկնապատկվի, և նրանք ռազմական պաշտպանվածություն կունենան, ինչպես աշխարհի ոչ մի այլ երկիր», գրել է Թրամփը Truth Social-ում:

Միևնույն ժամանակ Թրամփը շնորհավորել է Գրենլանդիայի բնակիչներին և ասել, որ Վաշինգտոնին կղզին անհրաժեշտ է ԱՄՆ-ի «ազգային անվտանգության նպատակների համար»։

Ինչպես հաղորդում է «Ռեգնում» գործակալությունը, Դոնալդ Թրամփի որդին՝ Էրիկը, դեկտեմբերի 24-ին X սոցիալական ցանցում հրապարակել է մի նկար, որում պատկերված է նրա հայրը Կանադայի, Գրենլանդիայի և Պանամայի Amazon-ից ենթադրյալ գնումների ժամանակ։