Նյու Յորքում տաքսին մխրճվել է հետիոտների ամբոխի մեջ. Fox News

Նյու Յորքի կենտրոնում տաքսին մխրճվել է հետիոտների ամբոխի մեջ, ինչի հետևանքով վեց մարդ վիրավորվել է։ Այս մասին հայտնում է Fox News-ը։

Միջադեպը տեղի է ունեցել Մանհեթենի կենտրոնում՝ Հերալդ հրապարակում, դեկտեմբերի 25-ին տեղական ժամանակով մոտ 16:00-ին: Արդյունքում վեց մարդ ստացել է տարբեր ծանրության վնասվածքներ։

The New York Post-ը պարզաբանում է, որ վարորդը, հնարավոր է, սրտի կաթված է ստացել։ Բացի այդ, երեք մարդ հոսպիտալացվել է, այդ թվում՝ ինը տարեկան երեխա։