ՆԱՏՕ-ն կոչ է արել «ամբողջական հետաքննություն անցկացնել» ադրբեջանական ինքնաթիռի վթարի գործով

ՆԱՏՕ-ի խոսնակ Ֆարահ Դախլալլան ցավակցություն է հայտնել Ղազախստանում «Ադրբեջանական ավիաուղիների» ինքնաթիռի կործանման կապակցությամբ և կոչ է արել «ամբողջական հետաքննել» վթարը: Այս մասին X սոցցանցում գրել է դաշինքի ներկայացուցիչը։

«Մեր մտքերն ու աղոթքները «Ադրբեջանական ավիաուղիների» J28243 չվերթի ընտանիքների և զոհերի հետ են։ Վթարի հետևանքով տուժածներին մաղթում ենք շուտափույթ ապաքինում և պահանջում ենք լիարժեք հետաքննություն»,- գրել է նա։

Դեկտեմբերի 25-ի առավոտյան Ղազախստանի Ակտաու օդանավակայանում վթարի է ենթարկվել «Ադրբեջանական ավիաուղիների» Embraer մարդատար ինքնաթիռը, որն Ադրբեջանի մայրաքաղաք Բաքվից Գրոզնի էր թռչում։ Վթարից առաջ ինքնաթիռի անձնակազմը վթարային վայրէջք է խնդրել։ Ղազախստանի արտակարգ իրավիճակների նախարարության տվյալներով՝ ինքնաթիռում եղել է 69 մարդ, այդ թվում՝ անձնակազմի հինգ անդամ։ Ղազախստանի փոխվարչապետ Կանատ Բոզումբաևը հայտնել է 29 տուժածների մասին, որոնք տեղափոխվել են հիվանդանոց։