Չինական կոմերցիոն հրթիռը արձակումից հետո տիեզերքում պայթել է

Չինական «Kinetica-1» հրթիռի կոմերցիոն արձակման փորձարկումներն անհաջող են անցել: Այս մասին հայտնել է CAS Space ծրագրավորող ընկերությունը, փոխանցում է ՏԱՍՍ-ը։

Ընկերությունից հայտնել են, որ հրթիռը արձակվել է Դոնգֆենգ կոմերցիոն տիեզերական նորարարության փորձնական գոտում դեկտեմբերի 27-ին՝ տեղական ժամանակով ժամը 09:03-ին (Երևանի ժամանակով՝ 05:03-ին):

Անսարքությունը տեղի է ունեցել երրորդ փուլի շարժիչի գործարկումից երեք վայրկյան անց, որից հետո անվտանգության համակարգը գործարկվել է, ինչը հանգեցրել է  «Kinetica-1»-ի ինքնաոչնչացմանը։

CAS Space-ի ղեկավարությունը ներողություն է խնդրել իր գործընկերներից և խոստացել հետաքննություն անցկացնել և անել հնարավոր ամեն ինչ ապագայում հաջող արձակումների համար։

Ըստ ԱՄՆ-ի Օդագնացության և տիեզերական հետազոտությունների ազգային վարչության՝ չինական ընկերությունը նախատեսում է ուղեծիր դուրս բերել 11 արբանյակ, այդ թվում՝ չինական AZSpace ընկերության Dier-3 նախատիպը և ֆրանսիական CASAA-Sat փոքր արբանյակը։