Դադարեցվել են Բաքվից դեպի ՌԴ թռիչքները․ Ադրբեջանական ավիաուղիներ

Ադրբեջանական «Ադրբեջանական ավիաուղիներ» (AZAL) ավիաընկերությունը դեկտեմբերի 28-ից հայտարարել է Բաքվից Ռուսաստանի յոթ քաղաքներ թռիչքների դադարեցման մասին։ Այս մասին հայտնում է APA գործակալությունը՝ հղում կատարելով փոխադրողի հայտարարությանը։

Այս որոշումն ընդունվել է «Embraer 190 ինքնաթիռի կործանման նախնական հետաքննության արդյունքների և թռիչքների անվտանգության հնարավոր ռիսկերի հետ կապված»։

Մինչև ավիավթարի պատճառների վերջնական հետաքննությունը դադարեցվել են Բաքվից Միներալնիե Վոդի, Սոչի, Վոլգոգրադ, Ուֆա, Սամարա, Գրոզնի և Մախաչկալա թռիչքները։

Ավիաընկերությունը շարունակելու է թռիչքները դեպի Մոսկվա, Սանկտ Պետերբուրգ, Եկատերինբուրգ, Աստրախան, Կազան և Նովոսիբիրսկ։