Բրազիլացի մասնագետները կուսումնասիրեն ադրբեջանական ինքնաթիռի կործանման վայրը
Համաշխարհային Մամուլ
Ավիավթարների հետաքննության և կանխարգելման բրազիլական կենտրոնի ներկայացուցիչներն առաջիկա օրերին կժամանեն Ղազախստան՝ ուսումնասիրելու Ակտաու քաղաքում Ադրբեջանի ավիաուղիների Embraer 190 ինքնաթիռի կործանման վայրը։ Այս մասին իր կայքում հայտնել է Ղազախստանի տրանսպորտի նախարարությունը։
«Առաջիկա օրերին սպասվում է CENIPA-ի ներկայացուցիչների այցը մեր երկիր»,- ասվում է նախարարության հաղորդագրության մեջ։
Հանրապետության տրանսպորտի նախարարությունը հայտնել է, որ Embraer արտադրական գործարանի հատուկ ներկայացուցիչներն արդեն ժամանել են Ակտաու՝ Չիկագոյի կոնվենցիայի 13-րդ հավելվածի համաձայն։ Քննչական հանձնաժողովը մեկնել է ավիավթարի վայր և որոշել անելիքը։
Դեկտեմբերի 25-ին Ղազախստանում վթարի է ենթարկվել AZAL ավիաընկերության մարդատար ինքնաթիռը։ Վթարից առաջ ինքնաթիռի անձնակազմը վթարային վայրէջք է խնդրել։ Վարկածներից մեկի համաձայն՝ ինքնաթիռը կարող էր ընկնել թռչունների հետ բախվելու պատճառով, իսկ բուն ինքնաթիռի իրանի վրա բազմաթիվ անցքեր են հայտնաբերվել։
Ամենադիտված 
Համբալիս գեղի «Օպել»-ն է․ Դանիել Իոաննիսյան
