ԵԱՏՄ-ն նախատեսում է ազատականացնել առևտուրը Եգիպտոսի, Ինդոնեզիայի և ԱՄԷ-ի հետ

ԵԱՏՄ-ն աշխատում է Եգիպտոսի, Ինդոնեզիայի և ԱՄԷ-ի հետ առևտրի ազատականացման համաձայնագրերի շուրջ համաձայնեցնելու ուղղությամբ։ Այս մասին ասված է ՌԴ ԱԳՆ հայտարարության մեջ՝ նվիրված Եվրասիական տնտեսական միության ստեղծման 10-ամյակին։

Զեկույցում նշվում է, որ իր գոյության տարիների ընթացքում ԵԱՏՄ-ն դարձել է միջազգային տնտեսական հարաբերությունների կարևոր դերակատար՝ տարբեր ոլորտներում զգալի հաջողությունների հասնելով։

«Դա հաստատվում է միջազգային շփումների լայն ցանցով՝ ներառյալ Վիետնամի, Իրանի և Սերբիայի հետ ազատ առևտրի համաձայնագրերը, Չինաստանի հետ երկու ոչ արտոնյալ համաձայնագրերը և Եվրասիական տնտեսական հանձնաժողովի համագործակցության ավելի քան 80 հուշագրերը տարբեր երկրների և ինտեգրացիոն ասոցիացիաների հետ»,- ասվում է հայտարարության մեջ։

Ընդգծվում է, որ միության անդամներին՝ Ռուսաստանին, Հայաստանին, Բելառուսին, Ղազախստանին և Ղրղզստանին հաջողվել է զգալի արդյունքների հասնել։ Ներքին շուկան գործում և բարելավվում է, միջազգային շփումների աշխարհագրությունը ընդլայնվում է, իսկ մասնակից երկրների փոխադարձ առևտուրը կայուն աճ է գրանցում։

ԵԱՏՄ երկրները շարունակում են խորացնել համագործակցությունը առանցքային ոլորտներում՝ մաքսային և սակագների կարգավորում, արդյունաբերական համագործակցություն, տրանսպորտ, լոգիստիկա, էներգետիկա և գյուղատնտեսություն։