Ռուսաստանում միգրանտ երեխաներին դպրոց չեն ընդունի՝ առանց ռուսերենի իմացության

Ռուսաստանի նախագահ Վլադիմիր Պուտինը օրենք է ստորագրել, որով արգելվում է ռուսերեն չիմացող միգրանտ երեխաների ընդունելությունը ռուսական դպրոցներ։ Համապատասխան փաստաթուղթը տեղադրված է իրավական ակտերի պորտալում, գրում է Gazeta-ն։

Օրենքի համաձայն՝ օտարերկրացիների ընդունելությունը դպրոցներ հնարավոր է միայն այն դեպքում, եթե նրանք հաջողությամբ հանձնեն ռուսաց լեզվի անվճար քննությունը պետական ​​կամ քաղաքային կրթական կազմակերպությունում։

Փաստաթղթում նշվում է, որ միգրանտների երեխաներին, ովքեր չեն հանձնի թեստը, թույլ չեն տա մուտք գործել ուսումնական հաստատություններ։