Սիրիացի փախստականների թիվն անցել է կես միլիոնը. ՄԱԿ

Սիրիայից հարևան երկրներ գաղթած սիրիացի փախստականների թիվը գերազանցել է 500 հազար մարդը: Այդ մասին երեքշաբթի օրը հայտարարել է ՄԱԿ-ում փախստականների հարցերով Գերագույն հանձնակատարի վարչության մամլո քարտուղար Մելիսա Ֆլեմինգը:

Նրա խոսքերով` Լիբանանում, Հորդանանում, Թուրքիայում, Իրաքում, Հյուսիսային Աֆրիկայում հաշվառվել է 425.2 հազար փախստական, ևս 84.4 հազար մարդ սպասում է հերթագրվելուն. հայտնում է ИТАР-ТАСС-ը:

Սիրիայում ծավալված քաղաքացիական պատերազմն արդեն 20 ամիս է, շարունակվում է: Այդ ընթացքում ամենատարբեր տեղեկութjունների համաձայն` զոհվել է 20-40 հազար մարդ: Սիրիայի տնեսությանn անդառնալի վնաս է հասցվել: Իշխանությունները հայտարարում են, որ ստիպված են պայքարել դրսից աջակցություն ստացող զինված գրոհայինների դեմ: