Թուրքիայի հանգստավայրերից մեկում հզոր երկրաշարժ է տեղի ունեցել

Թուրքիայի Անթալիա նահանգում 4,5 մագնիտուդ ուժգնությամբ երկրաշարժ է տեղի ունեցել։ Էպիկենտրոնը գտնվել է համանուն հանգստավայրում։ Այս մասին հայտնում է RIA Novosti-ն։

Ցնցումը տեղի է ունեցել տեղական ժամանակով՝ մոտ 16:51-ին (Երևանի ժամանակով՝ 17:51-ին)։

Օջախը գտնվել է ծովում՝ մոտ 7 կմ խորության վրա։

Փորձագետները գնահատում են միջադեպի հետևանքները, սակայն զոհերի կամ նյութական վնասների մասին այս պահին տեղեկություններ չկան։