Հակաբիոտիկների օգտագործման մահացու հետևանքները

Գրեթե 40 միլիոն մարդ կարող է մահանալ մինչև 2050 թվականը բակտերիաներում հակաբիոտիկների նկատմամբ կայունության տարածման պատճառով: Այս մասին հայտնում է բրիտանական The Guardian թերթը։

«Ամեն տարի մոտ 1 միլիոն մարդ մահանում է բակտերիաներում հակաբիոտիկների նկատմամբ կայունության տարածման պատճառով, և այս ցուցանիշը կաճի առաջիկա 25 տարիների ընթացքում: Սա սարսափելի է», - մեջբերում է հրատարակությունը Մեծ Բրիտանիայի նախկին գլխավոր բժիշկ Սալի Դևիսի խոսքերը:

Թերթը պարզաբանում է, որ մինչև 2050 թվականը բակտերիաների դիմադրողականությունից մահացության մակարդակը կրկնապատկվելու է, մահացությունների ընդհանուր թիվը կազմելու է 40 միլիոն։

Պատճառը հակաբիոտիկների համատարած օգտագործումն է, այդ թվում՝ սննդի արդյունաբերության մեջ, ինչի հետեւանքով ավելի ու ավելի շատ բակտերիաներ են մուտացիայի ենթարկվում եւ հակաբիոտիկների նկատմամբ դիմադրողականություն են զարգացնում։