ԱՄՆ-ն թուլացնում է Սիրիա մարդասիրական օգնության մատակարարումների սահմանափակումները. WSJ

ԱՄՆ-ը մտադիր է թուլացնել Սիրիա մարդասիրական օգնության մատակարարման սահմանափակումները։ Այս մասին հայտնում է The Wall Street Journal-ը։

Նրա տեղեկություններով՝ ԱՄՆ նախագահ Ջո Բայդենի վարչակազմը մտադիր է իր որոշման մասին հայտարարել հունվարի 6-ին։ Միաժամանակ, ընդգծում է հրատարակությունը, Վաշինգտոնը չի պատրաստվում չեղարկել հակասիրիական պատժամիջոցները, քանի դեռ չի հասկացել, թե ինչ ուղղություն են տալիս երկրին նոր իշխանությունները։

Սպասվում է, որ Սիրիային մարդասիրական օգնություն տրամադրողների համար սահմանափակումների մեղմացումը տևելու է վեց ամիս։