ՀԱՄԱՍ-ը համաձայնել է ազատ արձակել իսրայելցի 34 պատանդի. Reuters
Համաշխարհային Մամուլ
Պաղեստինյան ՀԱՄԱՍ խմբավորումը հաստատել է 34 պատանդների ցուցակը, որոնք ազատ կարձակվեն Իսրայելի հետ հնարավոր զինադադարի համաձայնագրի շրջանակներում, հայտնում է Reuters-ը։
Գործակալության զրուցակիցը նշել է, որ պատանդների վերադարձի վերաբերյալ ցանկացած գործարք կախված կլինի Գազայից իսրայելական զորքերի դուրսբերման շուրջ համաձայնություն ձեռք բերելուց, ինչպես նաև մշտական, այլ ոչ թե ժամանակավոր զինադադարից։
The Times of Israel-ը պարզաբանում է, որ Իսրայելը մի քանի ամիս առաջ ՀԱՄԱՍ-ին է տրամադրել 34 պատանդների ցուցակը։ Խումբը պահանջել է մեկշաբաթյա զինադադար՝ պարզելու, թե ցուցակում ով է ողջ: Իսրայելի իշխանությունները, ամենայն հավանականությամբ, կհրաժարվեն դադարեցնել ռազմական գործողությունները, քանի դեռ վերջնական համաձայնություն ձեռք չի բերվել։
Պարբերականի տվյալներով՝ 2023 թվականի հոկտեմբերի 7-ի հարձակման ժամանակ ՀԱՄԱՍ-ի կողմից առևանգված 251 պատանդներից 96-ը մնում են Գազայի հատվածում։ Իսրայելական զինվորականների գնահատմամբ՝ նրանց մեկ երրորդը մահացած է։
Ամենադիտված 
«Դե գնա․․․»․ ռուս հաղորդավարուհու արձագանքը՝ Ռուսաստանին ուղղված Ալիևի պահանջներին (տեսանյութ)
