Չինաստանում հզոր երկրաշարժ է տեղի ունեցել․ կան զոհեր (լուսանկարներ)

Չինաստանի հարավ-արևմուտքում գտնվող Տիբեթի ինքնավար մարզում երկրաշարժ է տեղի ունեցել։ Զոհերի թիվը հասել է 32-ի, ևս 38-ը վիրավորվել է։ Այս մասին հայտնում է Xinhua գործակալությունը։ Sohu պորտալը գրել է 36 զոհի մասին։ 

Սեյսմիկ իրադարձությունը հանգեցրել է ինքնավար մարզում ավելի քան 1000 շենքի ավերմանը։ Աղետի գոտում որոնողափրկարարական աշխատանքներ են կազմակերպվել, բնակչությունը տարհանվում է։ Նշվում է, որ մահացածների մարմինները փլատակների տակ են գտնվել Լհացե, Սակյա և Տինգրի շրջաններում։

Այսօր առավոտյան ԱՄՆ երկրաբանական ծառայությունը հայտնել է Տիբեթում 7,1 մագնիտուդ ուժգնությամբ երկրաշարժի մասին։ Երկրաշարժի էպիկենտրոնը գտնվել է Նեպալի հետ սահմանի մոտ՝ Շիգացե քաղաքից 163 կմ հարավ-արևմուտք՝ մոտ 80 հազար մարդ բնակչությամբ։

Օջախը ընկած է եղել 10 կմ խորության վրա։