Պուտինը շնորհավորել է Սուրբ ծննդյան կապակցությամբ (տեսանյութ)

Ռուսաստանի նախագահ Վլադիմիր Պուտինը Սուրբ Ծննդյան շնորհավորանքներում նշել է Ռուս ուղղափառ եկեղեցու հսկայական դերը ժողովրդի միասնության գործում։

«Սուրբ Ծննդյան օրերին մենք հստակորեն, մեր ամբողջ սրտով զգում ենք, թե որքան կարևոր են մեզ համար հայրական, ընտանեկան ավանդույթները՝ փոխանցված սերնդեսերունդ»,- ասվում է պետության ղեկավարի շնորհավորանքում։

Պուտինը նշել է «ստեղծագործական հսկայական դերը ժողովրդի միասնության, պատմական հիշողության, յուրահատուկ մշակութային և հոգևոր ժառանգության պահպանման գործում», որը խաղացել է Ռուս ուղղափառ եկեղեցին և Ռուսաստանի այլ քրիստոնեական դավանանքները։

«Հատկանշական է կրոնական կազմակերպությունների ներդրումը ընտանիքի ինստիտուտի ամրապնդման, երիտասարդների կրթման, հասարակության մեջ այնպիսի մնայուն բարոյական իդեալների և արժեքների հաստատման գործում, ինչպիսիք են մերձավորի մասին հոգալը, ողորմությունն ու կարեկցանքը, աջակցել նրանց, ովքեր օգնության և ուշադրության կարիք ունեն», - ավելացրել է նա:

Վլադիմիր Պուտինն այս տարի Քրիստոսի ծննդյան տոնը նշում է Մոսկվայի Սուրբ Գեորգի Հաղթական եկեղեցում։